Оросын ШУА-ийн Алс Дорнодын салбарын дарга, Оросын ШУА-ийн дэд ерөнхийлөгч, академич В. И. Сергиенко тэргүүтэй төлөөлөгчид Монгол Улсын ШУА-ийн ерөнхийлөгч Д.Рэгдэлийг Дэлхийн нэр хүндтэй эрдэмтдэд олгодог Оросын ШУА-ийн Алс Дорнодын салбарын “Хүндэт доктор” цолыг олгохоор айлчлан ирэв.
Айлчлалын үеэр Оросын ШУА-ийн Алс Дорнодын салбар нь ШУА-ийн харьяа хүрээлэнгүүд тэр дундаа нийгэм, хүмүүнлэгийн салбарт түлхүү хамтын ажиллагаатай явж иржээ. Цаашдаа хүрээгээ тэлж байгалийн ухааны салбарт ч хамтран ажиллах бүрэн боломжтой гэдгийг талууд ярилцаж ойрын үед судалгааны чиглэлээ илүү тодорхой болгохоор тохиролцов.
Энэхүү хамтын ажиллагаа нь шинжлэх ухааны салбарт ажиллаж буй судлаачдад цаашдын эрдэм шинжилгээний ажил, бүтээл, ололт амжилт, гадаад хамтын ажиллагаанд томоохон хувь нэмэр болж байгаа юм.
ШУА-ийн ерөнхийлөгч, Академич Д.Рэгдэл танд ШУА-ийн Тархи сэтгэл судлалын хүрээлэнгийн хамт олны зүгээс баяр хүргэж байна.
.jpg?w=1200)
.jpg?w=1200)